Kryeministri Edi Rama ka komentuar me ironi protestën e së shtunës para Kryeministrisë, duke publikuar në grupin e tij në WhatsApp pamje nga Bulevardi, ku në orët e pasdites duken pak njerëz.
Pamjeve u shtoi mesazhin: “Shiu i Halloween. Ai momenti kur përsërit të njëjtën gjë dhe pret një rezultat të ndryshëm”. Me këtë shprehje, ai e lidh protestën me ditën e Halloween.
Protesta dhe studentët
Protesta u thirr nga Partia Demokratike. Paralelisht me të, studentët nisën grumbullimin që në orët e paradites.
Fillimisht ata u mblodhën te Ministria e Arsimit dhe më pas marshuan drejt Kryeministrisë.
