Avokati Saimir Vishaj ka ndërruar jetë, pasi prej disa kohësh ndodhej në gjendje të rëndë shëndetësore. Ai ishte shtruar me urgjencë në Spitalin e Traumës në Tiranë, ku mjekët bënin përpjekje për ta mbajtur në jetë.
Vishaj ishte çuar në spital pas dyshimeve se kishte pësuar një rënie nga shkallët. Për shkak të përkeqësimit të gjendjes, stafi mjekësor e kishte intubuar, ndërsa situata e tij shëndetësore ishte konsideruar kritike.
Avokati nga Vlora kishte folur publikisht edhe më parë për problemet me shëndetin. Në gusht të vitit 2025, kur ishte 60 vjeç, ai kishte treguar se kishte kaluar një sëmundje të rëndë, e cila e kishte çuar për një periudhë në gjendje kome dhe kishte kërkuar intubimin e tij.
Rrethanat e plota të ngjarjes që e çoi në spital mbeten ende për t’u sqaruar.
